Loading...

15, నవంబర్ 2010, సోమవారం

ఆ ఆరోపణలు కుట్రలో భాగమే...

-భరిణికం సర్పంచ్ దాట్ల రామ్మూర్తి రాజు
పరవాడ, నవంబర్14, చైతన్యవారధి: ఇటీవల పత్రికలలో తనపై చేస్తున్న ఆరోపణలు కుట్రలో భాగమేనని భరణికం సర్పంచ్ దాట్ల రామ్మూర్తి రాజు అన్నారు. సోమవారం తన నివాసంలో ఆయన పాత్రికేయులతో మాట్లాడారు. తన ఆస్తిని లాక్కునేందుకు తన బంధువులు కుట్ర పన్నారని, అది తెలిసి వారిపై కేసు పెట్టానన్నారు. అయితే ఆ కేసు నుంచి తప్పించుకునేందుకు తనకు మతిస్ధిమితం లేదని తప్పుడు ప్రచారం చేస్తున్నారన్నారు. ఇటీవల తుఫాను బాధితులకు నష్టపరిహారం పంపిణీలో తన బంధువులు, కొంతమందితో కుమ్మక్కై అవక తవకలకు పాల్పడ్డారన్నారు. అవకతవకలను నిలదీసినందుకు తనపై తప్పుడు ఆరోపణలు చేస్తున్నారని అన్నారు. ముప్పై సంవత్సరాలకు పైగా గ్రామ సర్పంచ్ గా పని చేశానని, గ్రామ సమస్యల గురించి పూర్తి అవగాహన తనకు ఉందన్నారు. తనను అప్రతిష్టపాలు చేసేందుకు తన బంధువులు ప్రత్యర్ధులతో చేతులు కలిపారన్నారు. ఈ వాస్తవాలును తెలిపేందుకే ఈ సమావేసం ఏర్పాటు చేశానన్నారు. పాత్రికేయులు వార్తలను రాసే ముందు వాస్తవాలను సరి చూసుకోవాలన్నారు. ఈ సమావేశంలో వార్డు మెంబర్లు దుర్గునాయుడు, వాసనశెట్టి పైడమ్మ, అనపర్తి సూర్యకుమారి, గ్రామస్ధులు పెదిశెట్టి నారాయణ తదితరులు పాల్గొన్నారు.

వ్యాఖ్యలు లేవు:

వ్యాఖ్యను పోస్ట్ చెయ్యండి