Loading...

10, నవంబర్ 2010, బుధవారం

భరిణికంలో అర్హులుకు అందని వరద పరిహారం

పరవాడ, నవంబర్ 10, చైతన్యవారధి: మండలంలో భరణికంలో వరద బాధితులకు పరిహారం పంపిణీలో అవకతవకలు చోటు చేసుకున్నాయన్న ఆరోపణలు వస్తున్నాయి. స్ధానిక నాయకులు, అధికారులతో కుమ్మకై కొన్ని బినామీ పేర్లతో వరద బాధితుల జాబితాను తయారు చేసి సోమ్ము స్వాహా చేశారని అంటున్నారు. తమను తెలీకుండానే ఈ జాబితాను తయారు చేసినట్టు సర్పంచ్ దాట్ల రామ్మూర్తి రాజు, ఇతర పాలకవర్గ సభ్యులు అంటున్నారు. తమకు తెలిసి ఇటీవల తుఫానుకు పంచాయితీ పరిధిలో ఇళ్ళుకు నష్టం జరిగిందని తమ దృష్టికి రాలేదని అంటున్నారు. అయితే స్ధానిక కొంత మంది నాయకులతో అధికారులు కుమ్మకై తమ వర్గానికి చెందిన వారి పాకలను, నివాసంలేని పాడుబడ్డ ఇళ్ళను జాబితాలో చేర్చారు. ఈ జాబితాను ఆమోదించాల్సిందిగా అధికారులు సర్పంచ్ ను కోరగా ఆయన తిరస్కరించినట్లు తెలిసింది. జాబితాలో నిజమైన బాధితులకు మాత్రమే పరిహారం చెల్లించాలని సూచించినప్పటికీ అధికారులు పట్టించుకోకుండా పరిహారం చెల్లించారు. దీనిపై సర్పంచ్ దాట్ల రామ్మూర్తిరాజు ఉన్నతాధికారులను కోరనున్నట్లు తెలిపారు.

వ్యాఖ్యలు లేవు:

వ్యాఖ్యను పోస్ట్ చెయ్యండి