Loading...

30, డిసెంబర్ 2010, గురువారం

త్వరలో గ్రామ న్యాయాలయాలు

హైదరాబాద్‌, డిసెంబర్ 29 (న్యూస్‌నెట్): రాష్ట్రంలో ఎట్టకేలకు గ్రామ న్యాయాలయాల వ్యవస్థకు మోక్షం కలగనుంది. 139 గ్రామాల్లో వీటిని అతి త్వరలోనే ప్రారంభించాలని రాష్ట్ర ప్రభుత్వం నిర్ణయించింది. వీటి స్థాపనకు అవసరమైన ఏర్పాట్లు చేస్తోంది. దేశవ్యాప్తంగా పది రాష్ట్రాల్లో గ్రామ న్యాయాలయాలు ఉన్నాయి. మన రాష్ట్రంలోనూ వీటిని ఏర్పాటు
చేయాలని సర్కారు గతంలో నిర్ణయించినా, వనరుల విషయంలో సందిగ్ధతవల్ల జాప్యం జరిగింది. వీటి స్థాపనపై కేంద్ర ప్రభుత్వం నుంచి సానుకూలత వ్యక్తంకావడంతో ఇప్పుడు మార్గం సుగమమైంది. వీటి నిర్వహణకయ్యే వ్యయంలో 70 శాతాన్ని కేంద్రం భరిస్తుంది. మిగిలిన 30 శాతాన్ని రాష్ట్రం వెచ్చించాలి. అత్యధిక కేసులు నమోదవుతున్న గ్రామాల సమాచారాన్ని రాష్ట్ర ప్రభుత్వం సేకరించింది. 200కి పైగా కేసులు నమోదవుతున్న 139 గ్రామాలను గుర్తించి అక్కడ న్యాయాలయాల ఏర్పాటుకు నిర్ణయించింది.

వ్యాఖ్యలు లేవు:

వ్యాఖ్యను పోస్ట్ చెయ్యండి