Loading...

7, డిసెంబర్ 2010, మంగళవారం

రాష్ట్ర మంతటా ఎడతెరిపిలేని వర్షాలు

-మట్టి గోడలు విరిగిపడి ఇద్దరి మృతి
హైదరాబాద్‌: వాయుగుండం ప్రభావంతో రాష్ట్రమంతటా ఎడతెరిపిలేని వర్షాలు కురుస్తున్నాయి. ఈ వర్షాలకు మట్టి గోడలు నాని పడిపోతున్నాయి. ప్రకాశం జిల్లా చింతగారిపాలెంలో ఓ వృద్ధురాలు, పశ్చిమగోదావరి జిల్లా దెందులూరు మండలం సీతంపేటలో ఓ వ్యక్తి గోడలు కూలి మృతి చెందారు. కోస్తాంధ్ర,
పశ్చిమగోదావరి, గుంటూరు, కృష్ణా జిల్లాల్లో విస్తారంగా వర్షాలు పడుతున్నాయి. కృష్ణా జిల్లా వ్యాప్తంగా రాత్రి నుంచి ఈదురుగాలులతో కూడిన వర్షం పడుతోంది. అవనిగడ్డ మండలంలో ఈదురుగాలులతో కూడిన వర్షం కురుస్తుండడంతో వేల ఎకరాల్లో వరిపంట నేలకొరిగింది. గుడివాడ, మచిలీపట్నం డివిజన్లలో వేలాది ఎకరాల్లో వరిపన్నలు తడిసి ముద్దవుతున్నాయి. విజయవాడలోనూ ఈదురుగాలులతో కూడిన వర్షం పడుతోంది. తూర్పుగోదావరి జిల్లాలోనూ రాత్రి నుంచి ఎడతెరపి లేకుండా వర్షం కురుస్తోంది. రాజమండ్రి, అమలాపురం, కాకినాడలో విస్తారంగా వర్షాలు పడుతున్నాయి. ముమ్మిడివరం నియోజకవర్గంలో భారీ వర్షాలు పడుతున్నాయి. లోతట్టు ప్రాంతాలు జలమయమయ్యాయి. నెల్లూరు జిల్లాలోనూ విస్తారంగా జల్లులు పడుతున్నాయి. ప్రకాశం జిల్లాలో వేల ఎకరాల్లోని పొగాకు పంటకు తీవ్ర నష్టం కలిగింది. విజయనగరం జిలాల్లోనూ కరుస్తున్న వర్షాల కారణంగా వరిపంట నాశనమవుతోంది. నల్గొండ జిల్లా కాళ్ల మండలంలో 5వేల ఎకరాల్లో వరి, 2 వేల ఎకరాల్లో వరినారుమళ్లు నీటమునిగాయి. రామచంద్రాపురంలో పొగాకు, మొక్కజొన్న పత్తి నీట మునిగింది. తుని, అవనిగడ్డ పాంతాల్లో ఈదురుగాలులు వీస్తున్నాయి. ప్రకాశం జిల్లా రాళ్లపాడు ప్రాజెక్టు 3 గేట్లు ఎత్తివేసి, వెయ్యి క్యూసెక్కుల నీరు కిందికి వదులుతున్నారు. దెందులూరు, పెదపాడు, ఏలూరు, చీరాల వేటపాలెం ప్రాంతాల్లో మినుములు, వేరుశెనగ పాడైంది. వేటపాలెంలో 10 సెంమీ వర్షపాతం నమోదైంది. పిఠాపురం ఉలవపాడు వద్ద మున్నేరు పొగుతోంది. ఖమ్మంలో 7, కొత్తగూడెంలో 5 సెంమీ వర్షం నమోదైంది.

వ్యాఖ్యలు లేవు:

వ్యాఖ్యను పోస్ట్ చెయ్యండి