Loading...

26, డిసెంబర్ 2010, ఆదివారం

గిన్నీస్‌ రికార్డుల్లోకెక్కిన నాట్య సమ్మేళనం

హైదరాబాద్‌: అంతర్జాతీయ కూచిపూడి నాట్య సమ్మేళనంలో భాగంగా అద్భుత ఘట్టం భాగ్య నగరంలో ఆవిష్కృతమైంది. గచ్చిబౌలిలోని జీఎంసీ బాలయోగి స్టేడియంలో ప్రదర్శించిన కూచిపూడి మహా బృంద నాట్యం 'థిల్లాన' గిన్నిస్‌ రికార్డుల్లోకెక్కింది. ఒకే వేదికపై 2800 మంది నృత్య కళాకారులు ఇచ్చిన
ప్రదర్శన ఆద్యంతం కన్నుల పండుగగా సాగింది. ఈ ప్రదర్శన ఇవ్వడానికి దేశ విదేశాల నుంచి కూచిపూడి నృత్య కళాకారులు నగరానికి విచ్చేశారు. సుమారు 20నిమిషాల పాటు సాగిన ఈ నాట్యం పాత రికార్డులన్నీ బద్ధలు కొట్టి నాట్య చరిత్రలోనే ఓ మైలు రాయిగా నిలిచింది. కార్యక్రమానికి రాష్ట్రపతి ప్రతిభా పాటిల్‌, గవర్నర్‌ వి.నరసింహన్‌, ముఖ్యమంత్రి కిరణ్‌కుమార్‌రెడ్డి కేంద్ర మంత్రి పురంధేశ్వరీలు హాజరయ్యారు. నాట్య సమ్మేళనం అనంతరం థిల్లాన నృత్య రూపకర్త నాట్యాచార్య వెంపటి చినసత్యాన్ని రాష్ట్రపతి ఘనంగా సన్మానించారు. ఈ సందర్భంగా ముఖ్యమంత్రి కిరణ్‌కుమార్‌రెడ్డి మాట్లాడుతూ ఈ కార్యక్రమం నిర్వహించిన సిలికానాంధ్రవారికి, నాట్య కళాకారులకు కృతజ్ఞతలు తెలిపారు.

వ్యాఖ్యలు లేవు:

వ్యాఖ్యను పోస్ట్ చెయ్యండి