Loading...

28, డిసెంబర్ 2010, మంగళవారం

తితిదేకి త్వరలో కొత్త పాలకమండలి

తిరుపతి: తిరుమల, తిరుపతి దేవస్థానం పాలకమండలిని త్వరలో నియమించే అవకాశం ఉన్నట్లు రాష్ట్ర దేవాదాయశాఖ మంత్రి జూపల్లి కృష్ణారావు సూత్రప్రాయంగా తెలిపారు. తిరుమలలో సోమవారం మంత్రి నిత్య అన్నదానం సముదాయాన్ని తనిఖీ చేశారు. అనంతరం భక్తులతో కలిసి భోజనం చేశారు. ఈ సందర్భంగా విలేకరులతో మాట్లాడుతూ నిత్య అన్నదానం కార్యక్రమంపై యాత్రికులు సంతృప్తి వ్యక్తం చేసినట్లు తెలిపారు.
వంటకాలు రుచికరంగా ఉన్నాయని కితాబునిచ్చారు. పారిశుద్ధ్య లోపం కనిపించిందన్నారు. నిత్యఅన్నదానం ట్రస్టు అధికారులతో సమీక్ష నిర్వహించి తగు చర్యలు తీసుకుంటామని పేర్కొన్నారు. భక్తులందరినీ సమానంగా చూడాలంటూ లోక్‌సత్తా పార్టీ వ్యవస్థాపకులు జయప్రకాష్‌ నారాయణ సలహాతో తాను ఏకీభవిస్తున్నట్లు తెలిపారు. తితిదేపై ప్రత్యేక దృష్టిపెడతానని, అందులో భాగంగానే వారంలో మూడు రోజులు ఇక్కడే ఉన్నానని చెప్పారు.

వ్యాఖ్యలు లేవు:

వ్యాఖ్యను పోస్ట్ చెయ్యండి