Loading...

13, డిసెంబర్ 2010, సోమవారం

అసెంబ్లీ ఎదుట బైఠాయించిన చంద్రబాబు

హైదరాబాద్‌: రైతు సమస్యలపై ముఖ్యమంత్రికి వినతి పత్రం ఇచ్చేందుకు శాసనసభ వద్దకు వచ్చిన రైతు సంఘం నాయకులను కలిసేందుకు ముఖ్యమంత్రి అంగీకరించకపోవడంతో వారు ఆందోళనకు దిగారు. వీరిని పోలీసులు అరెస్టు చేశారు. రైతు సంఘాల నాయకులను తక్షణం విడుదల చేయాలని విపక్ష ఎంఎల్‌ఏలు డిమాండ్‌ చేస్తూ ఆందోళనకు దిగారు. రైతు సంఘాల నాయకులను అరెస్టు చేయడం సరికాదని తెదేపా అధ్యక్షుడు చంద్రబాబు అన్నారు. వర్షాలకు రైతులు నష్టపోతే సభలో చర్చ జరగకుండా ప్రభుత్వం వ్యవహరిస్తోందని చంద్రబాబు ఆరోపించారు.
అరెస్టు చేసిన రైతులను విడుదల చేసి, అసెంబ్లీ వద్దకు తీసుకువచ్చే వరకు నిరసన కొనసాగిస్తామని హెచ్చరించారు. ఇక్కడ రాస్తారోకో చేస్తున్న తెదేపా, వామపక్ష ఎంఎల్‌ఏలను పోలీసులు అరెస్టు చేశారు. దీనిపై చంద్రబాబు ఆగ్రహం వ్యక్తం చేస్తూ ఎంఎల్‌ఏలను తీసుకువెళుతున్న పోలీసు వాహనాన్ని అడ్డుకున్నారు. పోలీసులు చంద్రబాబును పక్కకు తప్పించి ఎంఎల్‌ఏలను పోలీస్‌ స్టేషన్‌కు తరలించారు. దీంతో ఆగ్రహం చెందినచంద్రబాబునాయుడు శాసనసభ ఎదుట రహదారిపై బైటాయించి నిరసన వ్యక్తం చేశారు.

వ్యాఖ్యలు లేవు:

వ్యాఖ్యను పోస్ట్ చెయ్యండి