Loading...

19, జనవరి 2011, బుధవారం

పెరుగుతున్న ఉష్ణోగ్రతలు

విశాఖపట్నం: రాష్ట్రంలో చలి తీవ్రత క్రమంగా తగ్గి ఉష్ణోగ్రతలు పెరుగుతున్నాయి. ఈశాన్య రుతుపవనాల సీజన్‌ ముగిసిపోవడంతో వర్షాలకు పూర్తిస్థాయిలో అడ్డుకట్ట పడడంతో పాటు చలి తీవ్రత కూడా తగ్గింది. ఫలితంగా మార్చి నెలాఖరు వరకు సాధారణ ఉష్ణోగ్రతలే కొనసాగే అవకాశాలున్నాయని వాతావరణ
నిపుణులు అభిప్రాయపడుతున్నారు. ఈశాన్య రుతుపవనాల సీజన్‌ ముగియడంతో వాతావరణంలో క్రమంగా మార్పులు చోటుచేసుకుంటున్నాయి. ఇందులో భాగంగానే రాష్ట్రంలో సాధారణ ఉష్ణోగ్రతలు నమోదవుతున్నాయి. అయితే కోస్తాలోని నందిగామ, కళింగపట్నం, విజయవాడ, నర్సాపురం, తెలంగాణలోని రామగుండం, మెదక్‌, భద్రాచలం, రాయలసీమలోని కడప తదితర ప్రాంతాల్లో మంగళవారం సాధారణం కన్నా 3 నుంచి 7 డిగ్రీల తక్కువ ఉష్ణోగ్రతలు నమోదయ్యాయి. రానున్న రోజుల్లో ఉష్ణోగ్రతలు పెరిగినా అంత తీవ్రంగా ఉండవని ఇప్పటివరకు ఉపగ్రహాలు అందించిన సమాచారం ప్రకారం తెలుస్తోంది.

వ్యాఖ్యలు లేవు:

వ్యాఖ్యను పోస్ట్ చెయ్యండి