Loading...

23, జనవరి 2011, ఆదివారం

రోడ్డు ప్రమాదంలో ఒకరు మృతి

పరవాడ: సింహాద్రి ఎన్టీపీసీ దీపాంజలినగర్‌ మార్కెట్‌ సమీపంలోని మలుపు వద్ద శనివారం రాత్రి జరిగిన రోడ్డు ప్రమాదంలో ఓ తాపీ మేస్త్రి మృతిచెందారు. మరో ఇద్దరికి తీవ్ర గాయాలయ్యాయి. పరవాడ పోలీసులు తెలిపిన వివరాలిలా ఉన్నాయి. ప్రయాణికులతో ఓ ఆటో వాడచీపురుపల్లి విస్సన్నపేట వెళ్తోంది.
అదే సమయంలో రాజన్నపాలెం నుంచి గాజువాక వస్తున్న వ్యాన్‌ను ఆటో ఢీకొట్టింది. ఈ ప్రమాదంలో ఆటో నుజ్జయ్యింది. అందులో ప్రయాణిస్తున్న కూండ్రపు ఎరుకునాయుడు (43), పైల అప్పారావు(45)తో పాటు డ్రైవర్‌ మేడిశెట్టి నూకరాజు(38)కు తీవ్ర గాయాలయ్యాయి. క్షతగాత్రులను చికిత్స నిమిత్తం పరవాడ పీహెచ్‌సీకు తరలించారు. తలకు బలమైన గాయం కావడంతో ఎరుకునాయుడు చికిత్స పొందుతూ మృతిచెందాడు. ఇతనికి భార్య లక్ష్మి, ఇద్దరు పిల్లలున్నారు.పైలా అప్పారావు, మెడిశెట్టి నూకరాజులను చికిత్స నిమిత్తం గాజువాకలోని ఓ ప్రయివేటు ఆసుపత్రికి తరలించారు. ఆటోలో ప్రయాణిస్తున్నవారు విస్సన్నపేటకు చెందినవారు కావడంతో గ్రామంలో విషాదఛాయలు అలముకున్నాయి. తాపీమేస్త్రీగా బతుకు వెళ్లదీస్తున్న ఎరుకునాయుడు మృతితో కుటుంబం పెద్దదిక్కు కోల్పోయింది. పోస్టుమార్టం నిమిత్తం మృతదేహాన్ని అనకాపల్లి ఎన్టీఆర్‌ ఆసుపత్రికి తరలించారు. పరవాడ ఎస్సై పైడపునాయుడు కేసు దర్యాప్తు చేస్తున్నారు.

వ్యాఖ్యలు లేవు:

వ్యాఖ్యను పోస్ట్ చెయ్యండి