Loading...

15, డిసెంబర్ 2012, శనివారం

డీఎస్సీ-12 నియామక ప్రక్రియకు విఘ్నం

హైదరాబాద్‌: డీఎస్సీ-2012 ఉపాధ్యాయుల నియామకాలకు అవరోధం ఏర్పడింది. స్థానిక, స్థానికేతర నియామకాల తీరుపై సందేహాలు వ్యక్తమవుతున్నందున ప్రభుత్వం నుంచి విద్యాశాఖ స్పష్టత కోరింది. అప్పటివరకు అభ్యర్థుల ఎంపిక జాబితాలను వెలువరించివద్దని జిల్లా అధికారులను ఆదేశించింది. రాష్ట్రపతి ఉత్తర్వుల ప్రకారం నియామకాలు
జరగడంలేదని వివిధ జిల్లాల కలెక్టర్లకు ఫిర్యాదులు అందాయి. వీటిని వారు విద్యాశాఖ దృష్టికి తీసుకొచ్చారు. ప్రస్తుత విధానం వల్ల స్థానికేతర అభ్యర్థులు ప్రయోజనం పొందుతున్నారని తెలంగాణ ప్రాంత నేతలు పేర్కొన్న విషయం తెలిసిందే. ఈ నేపథ్యంలో స్థానిక, స్థానికేతర నియామకాల (80:20 నిష్పత్తి)పై మరింత స్పష్టత కోరుతూ విద్యాశాఖ ప్రభుత్వానికి లేఖ రాసింది. దీనిపై స్పందన వచ్చేంత వరకు నియామకాలు చేపట్టడం సమంజసం కాదన్న ఉద్దేశంతో శనివారం ఎంపిక జాబితాలను వెల్లడించవద్దని విద్యాశాఖ సంచాలక కార్యాలయం జిల్లాల అధికారులను ఆదేశించింది. 16, 17 తేదీల్లో కౌన్సెలింగ్‌ నిర్వహించి అభ్యర్థులకు నియామకపత్రాలను అందచేయాలి. కానీ, తాజా పరిణామంతో అవరోధం ఏర్పడింది.

వ్యాఖ్యలు లేవు:

వ్యాఖ్యను పోస్ట్ చెయ్యండి