Loading...

28, డిసెంబర్ 2012, శుక్రవారం

19 మంది ఉపాధ్యాయులకు పదోన్నతులు

విశాఖపట్నం, చైతన్యవారధి: జీవీఎంసీ పాఠశాలల్లోపనిచేస్తున్న ఎస్జీటీలకు స్కూల్‌ అసిస్టెంట్లుగా పదోన్నతుల కౌన్సిలింగ్‌గురువారం జీవీఎంసీలో నిర్వహించారు. 31 మందికి పదోన్నతులు కల్పించాల్సి ఉండగా 19 మంది అర్హులుగా పేర్కొంటూ పదోన్నతి కల్పించారు. ఇంకా 12 పోస్టులు మిగిలిపోయాయి. పదోన్నతుల జాబితా
తయారుచేసినా తమకు తెలియజేయలేదని, ఉపాధ్యాయ సంఘాల నాయకులు కౌన్సిలింగ్‌ సందర్భంగా అధికారులను ప్రశ్నించారు. తుది జాబితా తమకుఇవ్వలేదని, కౌన్సిలింగ్‌ సమాచారం కూడా గోప్యం ఉంచాల్సిన పరిస్థితిఎందుకు వచ్చిందని ప్రశ్నించారు. పదోన్నతులు కల్పిస్తున్నవారికి మాత్రమే సమాచారం ఇచ్చారని, అర్హుల జాబితా ఉన్న మిగతావారికి సమాచారం ఇవ్వడంలో అధికారులు విఫలమయ్యారని ఆరోపించారు. అదనపు కమిషనర్‌ (ఫైనాన్స్‌) పూర్ణచంద్రరావు సర్థిచెప్పి కౌన్సిలింగ్‌ నిర్వహించారు. ఆంగ్లంకు సంబంధించి 9 మందికి పదోన్నతులు కల్పించాల్సి ఉండగా ఎనిమిది మంది మాత్రమే అర్హులు ఉండడంతో ఒకపోస్టును విడిచిపెట్టారు. గణితంలో 9 పోస్టులకు ఇద్దరే అర్హులుండడంతో మిగతా ఏడు పోస్టులను పక్కనపెట్టారు. భౌతికశాస్త్రం నాల్గింటికి ఒక్కరూ అర్హులు లేకపోవడంతో ఆ సబ్జెక్టులో పదోన్నతి కల్పించలేదు. జీవశాస్త్రం 1, సాంఘికశాస్త్రం 4, తెలుగు పండిట్‌లు4 పోస్టులకు అర్హులుండడంతో వాటికి ఉపాధ్యాయులకు పదోన్నతి కల్పించారు. కౌన్సిలింగ్‌లో జీవీఎంసీ వ్యయ పరిశీలకులు జి.సత్యనారాయణ, ఉప విద్యాశాఖాధికారి లక్ష్మీనర్స, పాఠశాలల పర్యవేక్షకురాలు విమలకుమారి, సంఘాల నాయకులు పాల్గొన్నారు.

వ్యాఖ్యలు లేవు:

వ్యాఖ్యను పోస్ట్ చెయ్యండి