Loading...

8, డిసెంబర్ 2012, శనివారం

రాసలీలల ఆచార్యుడిపై వేటు

విశాఖపట్నం: ఆంధ్ర విశ్వవిద్యాలయ దూరవిద్య విభాగంలోని తన గదిలో రాసలీలలు సాగిస్తూ మీడియాకు చిక్కిన ఆర్థికశాస్త్ర ఆచార్యుడు జె.రామునాయుడును ఏయూ ఉన్నతాధికారులు సస్పెండ్‌ చేశారు. వర్సిటీ పరువును బజారుకీడ్చిన ఈ ఘటనపై ఇన్‌ఛార్జి వీసీ ప్రొఫెసర్‌ జార్జి విక్టర్‌, రెక్టార్‌ ఎ.వి.ప్రసాదరావు, రిజిస్ట్రార్‌
ఉమామహేశ్వరరావు శుక్రవారం ఉదయం ప్రత్యేకంగా సమావేశమై చర్చించారు. వర్సిటీ గదిలోనే రాసలీలలు సాగినట్లు ప్రాథమికంగా నిర్ధారణ కావడంతో సస్పెన్షన్‌ ఉత్తర్వులు జారీ చేశారు. ఉన్నత విద్యాశాఖ ఆదేశాల మేరకు విశ్రాంత న్యాయమూర్తితో ఈ ఘటనపై విచారణ చేయించి మూడు నెలల్లో వాస్తవాల్ని నిగ్గుతేల్చాలని నిర్ణయించారు.

వ్యాఖ్యలు లేవు:

వ్యాఖ్యను పోస్ట్ చెయ్యండి