Loading...

3, డిసెంబర్ 2012, సోమవారం

ప్రహరీ నిర్మాణంపై దేవస్థానానికి ఫిర్యాదు

 చైతన్యవారధి: ఆంధ్రా సిమెంటు కంపెనీ ప్రహరీ నిర్మిస్తుండటంపై సింహాచలం దేవస్థానం ఇన్‌ఛార్జి ఈవో భ్రమరాంబకు ఫిర్యాదు చేసినట్లు మాజీ మంత్రి, తెలుగుదేశం రాష్ట్ర ఉపాధ్యక్షుడు బండారు సత్యనారాయణమూర్తి తెలిపారు. ఆయన అదివారం 'న్యూస్‌టుడేతో' మాట్లాడుతూ జోన్‌6లో ఆక్రమణలు అధికంగా ఉన్నాయన్నారు.
నెలరోజులుగా పొర్లుపాలెంలో ప్రహరీ నిర్మాణం జరుగుతున్నా దేవస్థానం రక్షణ దళం అడ్డుచెప్పకపోవడం విడ్డూరంగా ఉందని బండారు అన్నారు. నాయుడుతోట నుంచి కంపెనీ వరకు వేస్తున్న సిమెంటు రహదారికి జీవీఎంసీ అనుమతి తీసుకోవాల్సి ఉందన్నారు. ఇటువైపు 200 అడుగుల రహదారి నిర్మిస్తూ, వేపాడమాంబ ఆలయానికి 10 అడుగుల జాగా ఇవ్వకపోవడం చిత్రంగా ఉందన్నారు. దీన్నిబట్టి చూస్తే ఈ రహదారి స్థిరాస్తి వ్యాపార అభివృద్ధికి ఉపయోగిస్తారన్న అనుమానం వ్యక్తం చేశారు. వీటన్నిటిపై జిల్లా కలెక్టరుకు వినతిపత్రం ఇవ్వనున్నట్లు తెలిపారు.

వ్యాఖ్యలు లేవు:

వ్యాఖ్యను పోస్ట్ చెయ్యండి