Loading...

14, డిసెంబర్ 2012, శుక్రవారం

మనిషి మూత్రం నుంచి మెదడు కణాలు!

న్యూయార్క్‌: మనుషుల మూత్రం నుంచి మెదడు కణాలను రూపొందించటంలో శాస్త్రవేత్తలు విజయం సాధించారు. పార్కిన్సన్స్‌, అల్జీమర్స్‌ వంటి జబ్బుల చికిత్సలతో ఇది విప్లవాత్మక మార్పులు తేగలదని భావిస్తున్నారు. సాధారణంగా మనం మూత్రం పోస్తున్నప్పుడు మూత్రపిండాల్లోని గోడల నుంచి చర్మకణాలు కూడా బయటకు వస్తుంటాయి. పరిశోధకులు ఈ చర్మకణాలనే జన్యుపరమైన మార్పులతో మెదడు మూలకణాలుగా
తీర్చిదిద్దారు. ఈ మూలకణాలు వివిధ రకాల మెదడు కణాలుగా మారగలవు కూడా. ఆయా వ్యక్తులకు సరిపడిన మెదడు కణాలను తయారుచేయటానికి ఏదో ఒకనాడు ఈ పద్ధతి తక్షణ మార్గంగా ఉపయోగపడగలదని పరిశోధకులు ఆశిస్తున్నారు. ఇది మూత్రం మీద ఆధారపడే ప్రక్రియ. రక్తంలోంచి సేకరించటం కన్నా మూత్రంలోంచి కణాలను గ్రహించటం చాలా తేలిక. అందువల్ల పెద్దల నుంచే కాదు పిల్లల నుంచీ వీటిని సేకరించొచ్చని కనెటికట్‌ విశ్వవిద్యాలయానికి చెందిన మార్క్‌ లలాండే అన్నారు. ''పిల్లల నుంచి రక్తనమూనా సేకరించటం కన్నా మూత్ర నమూనాలు తీసుకోవటం చాలా తేలిక'' అని వివరించారు.

వ్యాఖ్యలు లేవు:

వ్యాఖ్యను పోస్ట్ చెయ్యండి