Loading...

12, డిసెంబర్ 2012, బుధవారం

పాలపుంతలో ఏడు నివాసయోగ్యమైన గ్రహాలు

న్యూయార్క్‌: పాలపుంతలో సౌరకుటుంబానికి అవతల మరో ఏడుగ్రహాలు జీవం ఉనికికి అనుకూలంగా ఉన్నాయని తెలిసింది. నివాసయోగ్యంగా ఉండే గ్రహాల సమాచారాన్ని క్రోఢీకరించే లక్ష్యంతో ఏర్పాటైన 'హ్యాబిటేబుల్‌ ఎక్సోప్లానెట్‌ క్యాటలాగ్‌' (హెచ్‌ఈసీ) తన తొలివార్షికోత్సవం సందర్భంగా ఈ వివరాలను ప్రకటించింది. వాస్తవానికి తొలి
ఏడాదిలో ఒకటీ లేదా రెండు గ్రహాల గురించి తెలుస్తుందేమో అన్న అంచనాలతో తాము రంగంలోకి దిగినప్పటికీ.. తమ అంచనాలను తలకిందులు చేస్తూ ఏడు గ్రహాలు జీవం ఉనికికి అనుకూలంగా ఉన్నాయన్న విషయం తెలిసిందని హెచ్‌ఈసీ పరిశోధకుడు అబెల్‌ మెండెజ్‌ చెప్పారు. వీటిలో రెండింటి గురించి సమాచారం ఇప్పటికే తెలుసు కాబట్టి కొత్తగా గుర్తించినవి ఐదు గ్రహాలన్నారు.

వ్యాఖ్యలు లేవు:

వ్యాఖ్యను పోస్ట్ చెయ్యండి