Loading...

8, డిసెంబర్ 2012, శనివారం

భూఆక్రమణపై ఆధారాలున్నాయి

మాజీ మంత్రి బండారు
పెందుర్తి, చైతన్యవారధి: తగిన ఆధారాలతో, పూర్తి అవగాహనతో ఆంధ్రా సిమెంటు కంపెనీ భూఆక్రమణపై ఫిర్యాదు చేస్తున్నానని మాజీ మంత్రి, తెదేపా రాష్ట్ర ఉపాధ్యక్షుడు బండారు సత్యనారాయణమూర్తి అన్నారు. పురుషోత్తపురం పార్టీ కార్యాలయంలో ఆయన శుక్రవారం విలేకర్ల సమావేశంలో మాట్లాడుతూ సిమెంటు కంపెనీకి ప్రభుత్వం
1989లో జీవో నెంబరు 918 ద్వారా 49.86 ఎకరాలు మార్కెట్టు ధరకు ఇచ్చిందన్నారు. ఆ స్థలాన్ని మూడేళ్లలో అభివృద్ధి చేయాలని, మరొకరికి బదలాయింపు, అమ్మకం చేయరాదని షరతు విధించిందన్నారు. 20 ఏళ్లు దాటిన తరువాత ప్రహరీ నిర్మాణం చట్ట విరుద్దమన్నారు. రహదారి నిర్మాణంపై జీవీఎంసీ కమిషనర్‌కు ఫిర్యాదు చేయనున్నట్లు తెలిపారు. పద్మనాభనగర్‌ శ్మశానం, వేపాడమాంబ ఆలయ స్థలం ఆక్రమించి ప్రహరీ నిర్మిస్తున్నారని ఆరోపించారు. అనంతరం పెందుర్తి తహసిల్దార్‌ డి.వెంకటేశ్వరరావును కలసి పరిస్థితి వివరించారు.ఐద్వా నగర ఉపాధ్యక్షురాలు బి.అనంతలక్ష్మి, తెదేపా ప్రతినిధులు పొలిమెర సీతారాం, పి.శ్రీనివాసరావు, ఆవగడ్డ అప్పలనాయుడు, టి.కనకరాజు పాల్గొన్నారు.

వ్యాఖ్యలు లేవు:

వ్యాఖ్యను పోస్ట్ చెయ్యండి