Loading...

8, డిసెంబర్ 2012, శనివారం

స్పార్క్‌ సంస్థ డైరెక్టర్‌ అరెస్టు

విశాఖపట్నం: అధిక వడ్డీలు ఇస్తామని ఎరచూపి మోసం చేసిన కేసులో స్పార్క్‌ ఫైనాన్సు సంస్థ డైరెక్టర్‌ సీరపు శ్రీనివాస్‌ (44)ని మూడో పట్టణ పోలీసులు అరెస్టు చేశారు. దీనికి సంబంధించి పోలీసులు అందించిన వివరాలు ఇలా ఉన్నాయి. స్పార్క్‌ సంస్థ ఎలాంటి పరిమితులు లేకుండా నిబంధనలకు విరుద్ధంగా అధిక వడ్డీలు ఇస్తామని
జనాల వద్ద డిపాజిట్లు సేకరించిన విషయం తెలిసిందే. విషయం పోలీసుల దృష్టికి రావవడంతో విచారణలో అసలు విషయం బయటపడింది. సంస్థ నిర్వాహకుల్లో రేణుమిలానీని అదుపులోకి తీసుకొని అరెస్టు చేసిన విషయం తెలిసిందే. రూ.51 లక్షలు రికవరీ చేశారు. అదే సంస్థకు చెందిన మరో డైరెక్టర్‌ శ్రీనివాస్‌ను శుక్రవారం అరెస్టుచేసి రిమాండుకు తరిలించినట్లు సి.ఐ లక్ష్మణమూర్తి తెలిపారు. అయితే ఇప్పటికీ స్పార్క్‌ సంస్థలో డిపాజిట్లు సేకరించిన బాధితులు త్రీటౌన్‌లో ఫిర్యాదులు చేస్తున్నారు. ఇప్పటి వరకు సుమారు రూ.2 కోట్ల వరకు డిపాజిట్లు సేకరించినట్లు సంస్థ నిర్వాహకులు స్వయంగా ఒప్పుకున్నట్లు తెలిపారు.

వ్యాఖ్యలు లేవు:

వ్యాఖ్యను పోస్ట్ చెయ్యండి