Loading...

4, జనవరి 2013, శుక్రవారం

నెలాఖరు నుంచి ఆధార్‌ కార్డుల జారీ కేంద్రాలు

నర్సీపట్నం, చైతన్యవారధి: ఆధార్‌ కార్డుల జారీకి ఈ నెలాఖరు నుంచి మళ్లీ కేంద్రాలు ఏర్పాటు చేస్తామని జిల్లా కలెక్టర్‌ వి.శేషాద్రి చెప్పారు. గురువారం నర్సీపట్నం అటవీ విశ్రాంతి భవనంలో ఆయన విలేకర్లతో మాట్లాడుతూ దీని కోసం ఏజెన్సీ ఖరారైందని, త్వరలోనే షెడ్యూలును ప్రకటిస్తామని వెల్లడించారు. ఏజెన్సీ మండలాల్లో ఎల్‌.టి.ఆర్‌.
కేసులు ఏళ్ల తరబడి పరిష్కారం కాని విషయాన్ని ఆయన దృష్టికి తేగా ఇటీవల హైకోర్టులో ఉన్న కేసులపై సమీక్ష చేశామని చెప్పారు. మండలాల్లో పరిష్కారం కావాల్సిన వాటిపై దృష్టిసారిస్తామని వివరించారు. శాఖాపరంగా ఉత్తర ప్రత్యుత్తరాన్నీ తెలుగుభాషలోనే అమలయ్యేలా చూస్తామని తెలిపారు. సోమవారం నాడు నర్సీపట్నంలో కొన్ని శాఖల అధికారులు తమ కార్యాలయంలో అందుబాటులో ఉండని విషయాన్ని ప్రస్తావించగా మధ్యాహ్నం రెండు గంటల వరకు ఆర్డీఓ కార్యాలయ ప్రజావాణిలో, ఆ తర్వాత తమ కార్యాలయాల్లో ప్రజలకు అందుబాటులో ఉండాలని కలెక్టర్‌ స్పష్టం చేశారు.


వ్యాఖ్యలు లేవు:

వ్యాఖ్యను పోస్ట్ చెయ్యండి