Loading...

25, అక్టోబర్ 2013, శుక్రవారం

ఎంఐఎంకే పర్మినెంట్ గా తెలంగాణ సీఎం పీఠం...

హైదరాబాద్: ఆంధ్రప్రదేశ్ రాష్ట్ర విభజనను సాధ్యమైనంత త్వరగా ముగించేయాలని కాంగ్రెస్ పార్టీ త్వరత్వరగా అడుగులు వేస్తోంది. మరోవైపు కేసీఆర్ గెలుపు గుర్రాల ఊహల్లో ఊరేగుతున్నారు. కానీ వాస్తవ పరిస్థితి అందుకు విరుద్ధంగా ఉండే పరిస్థితి ఉందని విశ్లేషకులు అభిప్రాయపడుతున్నారు. అదేంటయా అంటే, తెలంగాణ రాష్ట్ర సాధన కృషి తనదే అని కేసీఆర్ చంకలు గుద్దుకుంటున్నారు కానీ, ఒకవేళ తెలంగాణ రాష్ట్రమే ఏర్పడితే ఎంఐఎం పార్టీ శాసించే స్థాయికి ఎదుగుతుందని రాజకీయ విశ్లేషకులు అభిప్రాయపడుతున్నారు.
వారి లెక్కల ప్రకారం తెలంగాణలో 119 అసెంబ్లీ స్థానాలుంటాయి. వీటిలో అత్యధికంగా 30 నుంచి 40 సీట్లను ఎంఐఎం ఎగరేసుకెళ్లే అవకాశాలున్నాయని అంటున్నారు. తక్కువలో తక్కువ కాకుండా కనీసం 35 స్థానాలు గ్యారెంటీ అంటున్నారు. 35 పోగా ఇక మిగిలినవి 81. ఈ స్థానాల్లోనూ తెరాస, తెదేపా, కాంగ్రెస్, భాజాపా పార్టీలు తలో 15 నుంచి 20 దాకా పంచుకుంటాయని, లోక్ సత్తా, వామపక్షాలు కూడా తమ ప్రభావాన్ని చూపుతాయంటున్నారు. దీంతో అతిపెద్ద పార్టీగా ఎంఐఎం అవతరిస్తుంది కనుక ముఖ్యమంత్రి పీఠాన్ని డిమాండ్ చేసే స్థాయికి చేరుకుంటుందంటున్నారు. మొత్తమ్మీద సీఎం పీఠం అనేది కాంగ్రెస్, తెదేపా, తెరాసలకు దక్కే అవకాశం చాలా చాలా తక్కువని వారు అభిప్రాయపడుతున్నారు.

వ్యాఖ్యలు లేవు:

వ్యాఖ్యను పోస్ట్ చెయ్యండి